Bahagya nang bubuksan ng pamunuan ng Light Rail Transit (LRT) line 2 ang dalawang bagong istasyon nito na bahagi ng kanilang extension project.
Ayon sa Department of Transportation (DOTr), partkular na bubuksan para sa partial operation ang Marikina at Masinag station sa Antipolo City.
Dagdag ng DOTr, makatutulong ang bagong mga istasyon na ito para mapagsilbihan ang 80,000 mga pasahero kada araw.
Samantala, inaasahan namang magiging fully operational na muli ang Anonas, Katipunan at Santolan stations ng LRT 2 matapos masunog ang power rectifiers nito noong Oktubre ng nakalipas na taon.
