Nagtalaga si Pope Francis ng dalawang bagong obispo para pamunuan ang ilang diyosesis sa Mindanao.
Itinalaga ng Santo Papa si Fr. Cerilo Casicas upang maging bagong obispo ng Diocese of Marbel sa South Cotabato.
Papalitan ni Casicas si Bishop Dinualdo Gutierrez makaraang magbitiw ito dahil sa kaniyang edad na 79.
Samantala, itinalaga rin ni Pope Francis si Bishop Abel Apigo bilang bagong obispo ng Diocese of Mati, Davao Oriental.
Papalitan naman ni Apigo si Bishop Emeritus Patricio Alo na tatlong taon nang bumaba sa puwesto makaraang mag-retiro na ito.
