Patay ang dalawang (2) bata sa sunog sa Davao City kaninang madaling araw.
Mahimbing na natutulog ang magkapatid na nasa isa at tatlong taong gulang nang masunog ang kanilang bahay sa barangay 76-A, lungsod ng Davao.
Ayon kay Bureau of Fire Protection Fire Officer 3 Leo Luazon, posibleng naputol na kable ng kuryente ang pinagmulan ng apoy na mabilis na kumalat sa mga katabing bahay na pawang gawa sa kahoy.
Lumalabas na may pasok sa trabaho ang magulang ng mga batang biktima kayat iniwan sila sa pangangalaga ng isang pamangkin.
Gayunman, iniwanan ng pamangkin ang mga natutulog na bata para umekstra sa pagpapadyak at malaki na ang sunog nang balikan nito ang bahay.
Patuloy namang iniimbestigahan ng BFP ang tunay na sanhi ng sunog.
By Ralph Obina
