Patay ang dalawang bata sa sumiklab na sunog sa Tagum City sa Davao del Norte.
Kinilala ang mga nasawi na sina Lara Mae Espinosa, 7-taong gulang at kapatid nitong si Lisa Mae, 1-taong gulang.
Naisugod pa sa ospital si Lisa Mae ngunit binawian din ng buhay.
Batay sa inisyal na imbestigasyon, naiwan ang mga bata sa kanilang bahay matapos umalis ang ama para bumili ng gamot habang nasa trabaho naman ang ina ng mga ito nang sumiklab ang sunog.
Mabilis namang kumalat ang apoy dahil pawang gawa light materials ang bahay ng mga biktima.
Inaalam pa ng mga awtoridad ang sanhi ng sunog.
—-
