Patay ang dalawa pang miyembro ng Bangsamoro Islamic Freedom Fighters (BIFF) matapos maka engkwentro ng militar sa Brgy. Mao, Datu Pagkas, Maguindanao.
Ayon kay Wesmincom Commander Lt. Gen. Corleto Vinluan, pawang mga miyembro ng BIFF-Karialan Faction sa ilalim ni Mohiden Animbang alyas Karialan ang 2 napatay na bandido.
Kasunod nito, iniulat naman ni joint Task Force Central Commander M/Gen. Juvymax Uy na walang napinsala sa panig ng pamahalaan sa nangyaring 10-minutong engkwentro.
Patuloy namang tinutugis ng mga tropa ng pamahalaan ang mga nakatakas na BIFF na nasa likod ng panggugulo sa Datu Paglas kamakailan.
Mula Enero ng taong ito hanggang sa kasalukuyan, 89 na BIFF terrorists ang nanutralisa ng militar, kung saan 41 ang namatay at 48 ang sumuko; habang 56 na armas naman ng BIFF ang narekober ng militar. — ulat mula kay Jaymark Dagala (Patrol 9)
