Dalawang miyembro ng Citizens’ Armed Forces Geographical Unit o CAFGU ang patay matapos pagbabarilin ng armadong grupo sa bayan ng san Isidro, Northern Samar.
Kinilala ng 43rd infantry battalion ng Philippine Army ang mga biktimang sina Lito Dauba, 39 anyos, residente ng barangay San Juan at Arcito Reyes 46 anyos, residente ng barangay Salvacion.
Lulan sina Dauba at Reyes ng motorsiklo at papasok na sana ng trabaho para sa community support program nang paulanan ng bala ng mga hindi nakilalang salarin.
Naniniwala ang militar na New People’s Army ang nasa likod ng pamamaslang sa dalawang biktima.—sa panulat ni Drew Nacino
