Patuloy pang pinaghahanap ng mga otoridad ang dalawang chinese owner ng medical supply matapos maharap sa kasong estafa.
Kinilala ang dalawang suspek na sina Jimmy M. Hao at Jamie Sheila S. Hao na president at vice president ng Meihao Corporation sa Biñan, Laguna.
Ayon sa mga otoridad, taong 2019 nagpasa ng reklamo ang Philippine Veterans Bank sa Office of the City Prosecutor ng Makati laban sa dalawang puganteng chinese na nagsusupply ng mga medical equipment.
Base sa report, lumabag sa article 315 paragraph 1 (b) of the revised penal code kaugnay sa presidential decree no. 115 o trust receipts law ang Meihao Corporation.
Nabatid na nag-apply at nabigyan ng veterans bank ng credit limit facility na aabot sa P110 Milyon ang naturang negosyo pero ibabalik umano ng nabanggit na kumpaniya ang mga kinita nito sa bangko.
Dito na nabigong ibalik ng mga negosyanteng chinese ang kabuoang halaga na aabot sa P122.9 Million.
Sa ngayon, patuloy pang pinaghahanap ng mga otoridad ang mga salarin. —sa panulat ni Angelica Doctolero
