Nagsumite na ng courtesy resignation sa Malakanyang ang 2 Commissioners ng Commission on Higher Education na sina Alex Brillantes Jr. at Minella Alarcon.
Ipinabatid ni CHED Executive Director Julito Vitriolo na hinihintay na lang ang magiging aksyon ng Office of the President hinggil dito.
Ayon kay Vitriolo, ang pangatlong appointee ni dating Pangulong Noynoy Aquino na si Commissioner Ruperto Sangalang ay natapos na ang termino noon pang Hulyo, pero nasa hold over capacity lamang ito ngayon.
Tanging si CHED Chairperson Patricia Licuanan na lang ang hindi pa nagsusumite ng courtesy resignation bilang pagtalima sa Memorandum Circular Number 4 ni pangulong Rodrigo Duterte na nilagdaan noon Pang Agosto 22.
By: Meann Tanbio
