Patay ang dalawang suspek sa droga nang makipagpalitan ng putok ng baril sa ikinasang buy-bust operation ng mga otoridad sa bayan ng Dasmariñas sa Cavite, kagabi, Enero 27.
Kinilala ni Colonel Marlon Santos, hepe ng Cavite provincial police, ang dalawang naturang drug suspek bilang sina alyas “Mcdo” at “Bong”.
Ayon kay Santos, dakong alas-11:30 ng gabi ng Lunes nang inilarga nila ang operasyon sa Barangay Burol sa naturang bayan.
Pinaghihinalaang nagbenta ang mga suspek ng sachet ng shabu na nagkakahalaga ng P700.
Narekober din sa mga ito ang dalawang kalibre .38 na revolver.
