Patay matapos manlaban sa mga pulis ang 2 hinihinalang carnapper sa kahabaan ng By Pass Road Brgy. Sta Cruz, Santa Maria, Bulacan.
Wala pang pagkakakilanlan ang 2 suspek.
Ayon kay Superintendent Sam Belmonte, hepe ng Highway Patrol Group (HPG) Region 3, kahapon pa lamang ay namataan na nila ang sasakyan ng mga suspek na walang plaka at conduction sticker.
Hinabol nila ito pero nakatakas.
Tiyempo naman na kaninang madaling araw, dumaan ang mga suspek sa isang checkpoint ngunit nang sitahin, nagpaputok ang mga ito at pinaharurot ang sasakyan.
Nakuha mula sa mga suspek ang isang kalibre .45, kalibre .38, granada at 150 gramo ng shabu.
—-
