Dalawang hinihinalang Maute-ISIS sympathizers ang napatay ng mga awtoridad sa Lake Lanao sa Marawi City.
Ayon kay Joint Task Force Marawi Spokesperson Joan Petinglay, sinita ng mga awtoridad ang dalawang lalaking sakay ng bangka.
Nataranta ang isa sa mga ito at nagpaputok ng baril dahilan upang gumanti ng putok ang mga awtoridad.
Narekober sa bangka ng mga suspek ang iba’t ibang uri ng matataas na armas gaya ng machine gun at iba pa.
Sinabi ni Petinglay na malaki ang posibilidad na reinforcement ito ng mga natitirang terorista na naipit sa loob ng war zone sa Marawi.
By Ralph Obina
