Kasalukuyan nang iniimbestigahan ng Korte Suprema ang Dalawang hukom mula sa eastern visayas.
Kasunod ito ng nangyaring pagpaslang kay Albuera, Leyte Mayor rolando Espinosa Sr. sa loob mismo ng kaniyang piitan sa Leyte Provincial Jail sa Baybay City.
Inatasan ng high tribunal ang office of the court administrator na imbestigahan si Basey, Samar Presiding Judge Tarcelo Sabarre Jr. na siyang naglabas ng search warrant laban kay Espinosa at sa kasamahan nitong si Raul Yap.
Pinaiimbestigahan din ng SC ang presiding judge ng Baybay City na si Judge Carlos Arguelles dahil sa hindi naman nito pagpayag na mailipat ng kulungan si Espinosa.
Magugunitang hiniling ng kampo ni Espinosa na mailipat ito nuon ng kulungan dahil sa pangambang balikan ito ng mga pulis na kabilang sa inilabas niyang narco – list batay sa kaniyang affidavit nuong nabubuhay pa ito.
By: Jaymark Dagala
