Nasawi na ang dalawa sa 34 na mga inmates ng Manila City Jail na nasugatan sa nangyaring riot sa nabanggit na piitan kanina.
Ayon kay Manila Police District – Homicide Section Chief, Police Captain Henry Navarro, namatay ang dalawang hindi pa pinapangalanang inmates habang ginagamot sa Jose Reyes Memorial Medical Center.
Samantala, sinabi ni Manila City Jail Spokesperson Senior Inspector Jayrex Buestinera, siyam pang mga bilanggo ang nananatili pa rin sa Jose Reyes Memorial Medical Center para gamutin habang nasa pagamutan naman ng Manila City Jail ang 25 pang iba na nagtamo naman ng minor injuries.
Magugunitang, kaninang alas 6:28 ng umaga nang sumiklab ang gulo sa pagitan ng mga miyembro ng Batang City Jail at Sputnik Gang dahil sa pagtatalo sa higaan.
