Nasabat ng mga otoridad sa Port of Cebu ang dalawang brand new Jetski at sports car mula sa Amerika.
Mismong si Customs Commissioner Isidro Lapenia ang nanguna sa pagbubukas ng isang 40 footer container van na naglalaman ng mga naturang mis declared goods.
Ayon kay Lapenia ang Jetski ay idineklarang household items na naka consign sa Imerex Group of Companies Incorporated at ang customs broker ay ang kilala whistleblower ng Cebu na si Christopher Saavedra.
Ang nasabing Jetski ay nagkakahalaga ng 300 hanggang 400 thousand Pesos kada isa.
Nakumpiska rin ng mga otoridad ang isang Porsche 2008 model car na nagkakahalaga ng 1.5 million na kulang umano sa papeles kung saan ang consignee ay nakapangalan sa isang Leandro Romanillos.
Ang mga nasabing mis declared shipments ay kinumpiska ng mga otoridad pabor sa gobyerno.
