Arestado sa ginawang drug buy bust operation sa Tayabas City, Quezon, kagabi ang 2 kaanak ni dating Agriculture Sec. Proceso Alcala.
Kinilala ng pulisya ang mga naaresto na sina Maria Fe Alcala, ang sister in law ng dating Agriculture Secretary, at ang anak nito na si Toni Ann.
Nakuha sa dalawa ang 115 na gramo ng hinihinalang shabu at mga drug paraphernalia.
Si Maria Fe ay asawa ng hinihinalang drug lord na si Athelano Alcala, ang kapatid ng dating kalihim.
Una nang sumuko sa awtoridad si Athelano at anak nitong si Sahjid at kapwang itinanggi ang kanilang pagkakasangkot sa iligal na droga.
By Katrina Valle
