Dalawa katao ang kinasuhan kabilang ang isang dating konsehal kaugnay sa pagpaslang kay Mayor Caesar Perez ng Los Baños, Laguna nuong isang taon.
Kinilala ang mga kinasuhan na sina Norvin Tamisin, dating konsehal at sinasabing matagal nang kalaban ni Perez at Glenn Arieta, hepe ng information and communication system ng lokal na pamahalaan ng Los Baños.
Samantala hinihintay pa ng pamilya Perez ang resulta ng hiwalay na imbestigasyon ng nbi hinggil sa krimen.
Magugunitang papasok na si Perez sa munisipyo nuong Disyembre 3, 2020 nang barilin ito sa ulo, dibdib at balikat.
