Dalawang lalaki ang natimbog matapos mahulihan ng umano’y ipinagbabawal na droga sa Kalayaan St., Brgy. Ususan, Taguig City.
Batay sa ulat ng Taguig PNP, nakilala ang mga suspek na sina Archie Andres at Cedrick Barquilla, kapwa residente ng Taytay, Rizal.
Nagpapatrolya sa lugar ang mga pulis nang mahuli ang dalawa dahil sa umano’y pag-iingat ng iligal na droga na tinatayang nagkakahalaga ng mahigit P3,000.
Mahaharap ang dalawang suspek sa reklamong paglabag sa Comprehensive Dangerous Drugs Act.
