Natagpuang patay ang dalawang (2) imbestigador ng United Nations (UN) na isang buwan na ring nawawala sa Democratic Republic of Congo.
Kasama rin sa natagpuang labi ng dalawang kinatawan ng UN ang kanilang interpreter na mamamayan ng Congo.
Sina Michael Sharp, isang US citizen at Zaida Catalan, isang Swedish national ay nasa Congo para i-monitor ang sanctions ng UN Security Council sa naturang bansa.
Gayunman, bigla na lamang nawala sa Kasai Central Province ang dalawa noong nakaraang buwan.
Nakita ang mga labi sa lugar na hindi halalayo sa lugar kung saan sila huling nakita.
By Len Aguirre
