Inaresto ang dalawang lalaking nakuhanan ng Marijuana matapos ang ikinasang Oplan Sita ng awtoridad sa Palanan, Makati City.
Ayon sa imbestigasyon ng pulisya, nakumpiska mula sa isa sa mga suspek ang mahabang balot na hinihinalang naglalaman ng dahon ng Marijuana na tinatayang nasa isang kilo at nagkakahalaga ng P125,000.
Nangyari ang pagkumpiska matapos umanong hindi sinasadyang mailabas ng suspek ang isang glass-tube na may hinihinalang tira ng naturang dahon.
Samantala, patuloy na iniimbestigahan ng awtoridad ang pangyayari.—mula sa panulat ni Airiam Sancho
