Nagulantang ang isang komunidad sa Ilagan, Isabela nang brutal na pagbabarilin ng suspek ang kanyang dalawang kainuman, na kalaunan ay pinatay din ng mga galit na residente sa pambububug.
Kinilala ang mga biktima bilang sina Marvin Jake Coloma at Charlie Rosete, habang ang suspek ay pinangalanang si Arnel Bielgo, ay namatay sa kamay ng mga residente.
Ayon sa mga awtoridad, nagsimula ang karumal-dumal na krimen nang biglang maghamon ng away si Bielgo sa gitna ng kanilang inuman.
Sa kasagsagan ng tensyon, naglabas ng baril at walang awa na pinaputukan ni Bielgo ang dalawa, na agad bumulagta sa tinamong tama ng bala sa katawan.
Nagtangkang tumakas si bielgo matapos ng krimen, ngunit hinabol siya ng mga kapitbahay na nakasaksi sa pamamaslang at ng mahuli, kinuyog nila ang suspek, hanggang sa malagutan ng hininga.
Patuloy namang inaalam ng mga awtoridad ang anggulo ng alitan ng suspek at ng mga biktima.
