Dalawang magsasaka ang natagpuang pugot sa bayan ng parang Maguindanao.
Kinilala ang mga biktimang sina Ceasar Deamada Fermin at Jabon Bistas na kapwa residente ng Purok Lansones Barangay Gumagadong Calawang, Parang.
Batay sa imbestigasyon ng ARMM police, dakong 9:00 kagabi nang magpaalam ang dalawang biktima sa kanilang mga kaanak na matutulog lamang sa tapahan o kubo na pinagtutuyuan ng niyog na malapit sa bahay ng may-ari ng kanilang sinasakang lupa.
Dakong 5:00 naman kaninang umaga nang matagpuan ang pugot na katawan ng mga biktima.
Patuloy naman ang isinasagawang imbestigasyon ng pulisya sa krimen habang pinaghahanap pa rin ang ulo ng mga biktima.
