Dalawang miyembro ng ASG o Abu Sayyaf Group ang nasawi habang isa ang arestado sa serye ng mga operasyon ng militar sa Basilan.
Ayon kay Western Mindanao Command Spokesperson Capt. Jo-Ann Petinglay, limang motorized banca naman na pag-aari ng mga bandido ang nasabat sa mga operasyon.
Isa sa mga patay si ASG member Bistahan Nisalun alyas “Upang-Upang” sa Barangay Lahi-Lahi sa bayan ng Tuburan na matagal nang isinasailalim sa surveillance operation kabilang na si ASG sub-leader Mike Usman Lidjal.
Inaresto naman si Rolly Ikih, 47-anyos, sa bisa na rin ng warrant of arrest para sa kasong robbery at arson.
Nasamsam mula kay Ikih ang isang .45-caliber pistol at 6 na bala kaya’t sasampahan siya ng kasong illegal possession of firearm.
Sa ngayon ay nagpapatuloy ang pursuit operations ng militar laban sa mga miyembro ng ASG.
By Gilbert Perdez
