Patay ang 2 miyembro ng Abu Sayyaf Group matapos makasagupa ng militar sa Parang, Sulu.
Kasunod na rin ito nang muling pagtatangka ng militar na sagipin ang mga bihag ng bandidong grupo.
Tumagal ng 40 minuto ang putukan na nag resulta sa pagkakapatay ni Abrajir Jamsuri alias Radis at isa pang hindi tinukoy na bandido.
Narekober ng militar ang dalawang M14 rifle, isang R4 assault rifle at isang M203 grenade launcher.
Wala namang casualty sa panig ng mga sundalo.
Target ng mga sundalo na mailigtas ang 12 pang natitirang bihag ng Abu Sayayf bago ang Brgy at SK Elections sa May 14.
