Kasalukuyang naka-detain ang dalawang motorcycle riders matapos makuhanan ng ilegal na droga at patalim sa isang checkpoint sa Lucena City.
Batay sa imbestigasyon ng Lucena police, minamaneho ni John Errioll Cuenza, 20-anyos ang motorsiklo habang angkas nito si Maynard Tamayo, 19-anyos nang hindi nito pansinin ang police checkpoint sa barangay Dalahican.
Matapos ang paghahabol ay nakorner ng mga pulis ang dalawang rider at kinapkapan ang mga ito kung saan nakuha ang isang balisong at glass tube na hinihinalang may latak ng marijuana.
Nahaharap naman sa kinauukulang kaso ang dalawang rider. —sa panulat ni Airiam Sancho
