Kinumpirma ni Philippine National Police (PNP) Chief Ronald ‘Bato’ dela Rosa na may mga taga-National Bureau of Investigation (NBI) na kasama si SPO3 Ricky Sta. Isabel sa pagdukot sa Koreanong si Jee Ick Joo.
Ayon kay Dela Rosa, dalawang (2) NBI civilian asset ang kasama sa operasyon.
Kinilala ang isa sa pangalang Gerry na driver umano ng isang direktor sa NBI.
Si alyas Gerry umano ang kasama ni Sta. Isabel na nakunan ng CCTV na nag-withdraw sa isang ATM machine sa San Juan habang ang isa pang NBI asset ay hindi pa matukoy ang pagkakakilanlan.
Ayon pa kay Dela Rosa, bukod sa 2 NBI asset mayroon pang isang grupo na nagsisilbing back up nina Sta. Isabel at nagche-check sa trabaho ng mga ito.
Nakiusap naman si General Bato na huwag pagsabungin ang PNP at NBI dahil pareho silang nagnanais na maresolba sa lalong madaling panahon ang kaso ng pagpatay sa Koreanong si Jee Ick Joo.
By Jonathan Andal (Patrol 31)
