Dalawang hinihinalang miyembro ng New People’s Army (NPA) ang patay nang maka-engkuwentro ang mga awtoridad sa Laguna kaninang umaga.
Batay sa ulat ng Police Regional Office 4-A o Calabarzon PNP, nangyari ang engkuwentro sa Sitio Balatkahoy, Brgy. San Antonio bayan ng kalayaan sa nasabing lalawigan.
Nabatid na nagsasagawa ng Oplan Dirty Dozen ang Regional Mobile Force Battalion 4-A nang makasagupa nila ang hindi mabilang na mga rebelde at tumagal ito ng isang oras.
Nakuha mula sa mga ito ang iba’t ibang armas, M203 granade launcher, 1 improvised explosives device (IED) claymor mine, isang firing line at blasting cap gayundin ang iba’t ibang subersibong dokumento.
