Nagpositibo sa coronavirus disease 2019 (COVID-19) ang dalawa pang empleyado ng Kamara.
Ito ang inihayag ni Secretary General Jose Luis Montales kung saan, isa aniya sa mga empleyado na tinamaan ng COVID-19 ay naka-assign sa printing office, habang ang isa naman ay bahagi ng engineering department.
Huli aniya silang nagtungo sa trabaho noong ika-28 ng Mayo.
Magugunita namang noong nakaraang buwan ng Marso, isang empleyado ng Kamara na naka-destino rin sa printing office ang nasawi dahil sa COVID-19.
Sa ngayon, nasa 22,474 na ang kabuuang kaso ng COVID-19 sa bansa habang nasa 1,011 ang nasasawi aat 4,637 naman ang naka-recover mula sa virus.
