Plano ng Department of Health (DOH) na magtayo ng dalawa pang treatment centers para sa mga pasyenteng mayroong HIV/AIDS sa Central Luzon.
Nabatid na tumaas ang HIV cases sa gitnang Luzon mula noong Enero ng kasalukuyang taon.
Ipinabatid ng DOH na balak nilang itayo ang nasabing HIV treatment hubs sa Bataan at Nueva Ecija ngayong taon.
Sa kasalukuyan, ang DOH ay mayroong HIV treatment centers sa Jose B. Lingad Memorial Regional Hospital sa San Fernando, Pampanga at James L. Gordon Memorial Hospital sa Olongapo City.
Bukod pa ito sa 91 HIV testing centers sa rehiyon.
By Meann Tanbio
