Itinalaga ng Department of Transportation (DOTr) ang pinakamataas na opisyal ng MRT-3 bilang Officer in Charge General Manager ng Rail Line.
Batay sa post ng MRT-3, itinalaga si Engr. Ofelia D. Astrera bilang OIC-General Manager ng DOTr-MRT-3 habang namumuno bilang Chief of the Rail Line’s Support Division.
Maliban dito, hinirang din si Engr. Oscar Bongon bilang Officer in Charge Director for Operations of the Rail Line habang namumuno naman bilang Chief of the Engineering Division.
Ayon sa ahensya, ang dalawang opisyal ay bahagi ng Core Project Management Office ng Department of Transportation and Communications MRT-3 (DOTC MRT-3) noong 1997 na nagtapos sa Edsa MRT-3 Project.
Ang mga bagong hinirang na OIC ay mamumuno sa linya ng tren hanggang sa katapusan ng buwan o hanggang sa mapalitan ang mga ito.
