Itinuturing nang suspek ng PNP o Philippine National Police ang dalawang (2) person of interest sa kaso ng pagpatay sa Pamilya Carlos sa San Jose Del Monte, Bulacan.
Kasunod ito ng pag – amin ng suspek na si Carmelino Ibañez na may kasama pa siyang dalawa nang gawin nya ang pamamaslang at panggagahasa sa mga biktima.
Tinukoy ni San Jose Del Monte Superintendent Fitz Macariola ang dalawa na sina alyas Tony at alyas Inggo.
Lumitaw noong Biyernes sa istasyon ng pulis si alyas Tony ngunit hindi ito maaresto dahil kulang pa umano ang ebidensya laban dito.
Una nang sinabi ni Ibañez na nagkainuman muna sila at gumamit pa ng droga bago nila ginawa ang krimen.
By Rianne Briones
