Nadagdag sa kabuuang bilang ng dinapuan ng COVID-19 sa labas ng bansa ang dalawa pang Pilipino batay sa tala ng Department of Foreign Affairs (DFA) ngayong Sabado.
Dahil dito, umakyat na sa 19,878 ang kabuuang kumpirmadong kaso ng COVID-19 sa mga Pinoy abroad habang 6,628 sa mga ito ay patuloy pang nagpapagaling.
Samantala, 12,056 naman ang gumaling na sa naturang virus at nanatili sa 1,194 ang bilang ng lahat ng nasawi.
