Hinihintay na lang ng Department of National Defense ang buong report hinggil sa nangyaring pagsabog sa Government Arsenal sa Limay, Bataan kahapon.
Ayon kay Arnel Rafael Depakakibo, Direktor ng Government Arsenal, nangyari ang pagsabog sa Primer Composition Mixing Facility of Explosives Division habang inihahanda ang paglalaman sa mga bala ng kalibre 45 baril.
Dalawang tauhan nito ang kumpirmadong nasawi na kinilalang sina Ricardo Solomon at Marvin Tatel habang dalawang iba pa ang nasugatan na kinilalang sina Mareldo Rodriguez at Allan Wisco.
Nagpaabot naman ng pakikiramay si Defense Sec. Delfin Lorenzana sa pamilya ng mga nasawi nilang tuhan at tiniyak ang karampatang benepisyong ipagkakaloob sa mga ito.
Habang sasagutin din ng Pamahalaan ang gastusin naman sa pagpapagamot sa mga nasugata nilang tauhan.
Patuloy ang isinasagawang imbestigasyon sa insidente at inatasan na rin ang pamunuan ng arsenal na gawin ang ibayong pag-iingat upang hindi na maulit ang insidente.
