Patay ang dalawa (2) katao habang sugatan ang pitumpung (70) iba pa matapos magbanggaan ang dalawang tren sa South Carolina sa Amerika.
Sangkot sa nasabing insidente ang isang amtrak passenger train at isang CSX freight train na nagsalpukan sa lugar ng Cayce.
Batay sa imbestigasyon, galing New York at patungong Miami ang Amtrak na may lulan na mahigit isang daan at tatlumpung (130) pasahero.
Dahil sa lakas ng banggaan ay nadiskaril ang ‘lead engine’ ng pampasaherong tren.
Patuloy naman na iniimbestigahan na ng National Transportation Safety Board ang naging dahilan ng banggaan.
—-
