Dalawa (2) ang patay habang 27 iba ang sugatan nang mahulog sa bangin ang isang pampasaherong jeep matapos mabangga ng truck ng bumbero sa Tagbilaran City, Bohol.
Batay sa ulat, binabagtas ng jeep ang pababang kurbadang bahagi ng Mansasa-Dampas Road nang mabangga ito ng reresponde sanang truck ng bumbero na nasa kabilang lane ng kalsada.
Bumangga pa ang jeep sa isang waiting shed bago ito mahulog sa bangin.
Bukod dito, nabangga rin ng truck ng bumbero ang kasunod na Sedan na jeep.
Agad naman isinugod na sa Governor Celestino Gallares Memorial Hospital sa Tagbilaran City ang mga sugatan habang nasa kustodiya naman ng pulisya ang tatlong (3) driver para sa isinasagawang imbestigasyon.
