Patay sa engkwentro ang dalawang tulak ng iligal na droga kabilang na ang isang Malaysian matapos magkasa ng operasyon ang pinagsanib pwersa ng mga tauhan ng pulis at militar sa Bongao, Tawi-Tawi.
Ayon sa mga otoridad, kinilala ang mga suspek na sina Nadzmil Ladja at ang Malaysian na si Hari Man Bin Sabtula.
Base sa impormasyon, aarestuhin na sana ang mga suspek ng bigla silang pumalag at nagpaputok ng baril sa mga otoridad.
Dito na nasawi ang dalawang suspek at narekober ang nasa 1.5 kilo ng shabu na may tinatayang 10.2 milyon pisong halaga.
Samantala, nakuha din sa mga suspek ang nasa limang gramo ng marijuana na nagkakahalaga ng 600 piso, dalawang kalibre 45 baril, at ang bangkang ginamit ng mga suspek.
Sa ngayon, inaalam pa ng mga otoridad kung may kasabwat ang dalawang nasawing suspek kaugnay sa iligal na droga.—sa panulat ni Angelica Doctolero
