Patay ang dalawa katao sa magkahiwalay na engkwentro sa lalawigan ng Batangas.
Kinilala ni Calabarzon Director Chief Superintendent Guillermo Eleazar ang isa sa nasawi na si Gerald Yermo, isang hinihinalang drug pusher.
Ayon kay Eleazar, napatay si Yermo sa ikinasang buy bust operations sa barangay Sinala sa bayan ng Bauan matapos na makipagbarilan sa undercover na pulis na benentahan nito ng iligal na droga.
Samantala, isang hindi pa nakikilalang lalaki ang napatay naman ng mga pulis sa barangay Sto Niño, Ibaan.
Batay sa report, isang residente ang nagsumbong sa pulisya kaugnay ng namataang armadong lalaking sakay ng motorsiklo sa nasabing lugar.
Bigla na lamang umano nagpaputok ng baril ang nasabing lalaki sa mga rumespondeng pulis dahilan kaya gumanti ng putok ang mga ito.
—-
