Dalawa katao ang nasawi habang dalawa ang sugatan matapos ang malakas na pagsabog na naganap sa isang Indian Court Building.
Batay sa ulat, nangyari ang pagsabog sa palikuran ng isang judicial complex sa Ludhiana.
Sa lakas ng impact nito, napinsala ang dingding ng mga palikuran at nabasag rin ang mga salamin sa iba pang silid.
Sinabi ni Punjab State Chief Minister Charanjit Singh Channi na naka-alerto na ang gobyerno at naglunsad na rin aniya sila ng imbestigasyon hinggil sa nangyaring pagsabog.
