Nailipat na kahapon sa Pasay City Jail mula senado ang Pharmally executives na sina Linconn Ong at Mohit Dargani.
Ito ay kasunod nang naging utos ng Senate Blue Ribbon Committee matapos mabigo ang dalawa na ipakita ang hinihinging financial documents ng Pharmally.
Bago ilipat ay sumailalim muna ang mga ito sa medical checkup at COVID-19 Antigen test.
Mananatili sa isolation area sa loob ng 14 na araw sina Ong at Dargani bago isama sa selda ng general population.
Samantala, ang kapatid naman ni Mohit na si Twinkle Dargani, ay nananatili naman sa kustodiya ng senado dahil sa mental health issue.
