Arestado ang dalawang Pilipino matapos na magpanggap na mga Malaysian national sa Sabah.
Kinilala ang mga naarestong Pinoy na sina Abdulla Hawadji, 50-taong gulang at Omar Bacu, 51-taong gulang.
Kasalukuyang nakakulong si Hawadji matapos na mahatulang guilty ng korte dahil sa pagkakaroon ng pekeng Malaysian citizen ID.
Sa hiwalay naman na korte ay pinagmumulta si Bacu ng limanglibong Malaysian Ringgit matapos makuha rito ang resibo ng nawawalang pekeng Malaysian citizen ID.
Ayon sa Department of Foreign Affairs o DFA, nagpadala na sila ng legal team sa Malaysia para umayuda sa mga Pilipino na nahaharap sa kaparehang kaso.
—-
