Parehong sasabak sa 2023 Miss Universe Competition ang dalawang Pinay Beauty Queen.
Kasunod ito ng paghirang kay Filipina-Texan na si R’bonney Gabriel na kauna-unahang kinoronahan bilang Miss USA 2022 nito lamang Lunes, October 3, 2022, sa Grand Sierra Resort sa Reno, Nevada.
Tinalo ng bagong titleholder ang nasa 50 pang kandidata sa iba’t ibang bahagi ng Amerika kung saan, nasungkit rin ni Gabriel ang panalo sa State Costume Category.
Dahil dito, posibleng makaharap ni Gabriel si Filipino-Italian Celeste Cortesi na sasabak din sa Miss Universe Competition sa susunod na taon.
Samantala, nagpasalamat naman ang dalawang Pinay sa kanilang mga taga-suporta partikular na sa mga Pinoy fans.
