2 pulis Mandaluyong na nambugbog ng 2 lalake pinatapon na sa Marawi

Ipinatapon na sa Marawi City ang dalawang pulis Mandaluyong na sinibak sa puwesto matapos hampasin ng yantok ang dalawang lalaking lumabag sa ordinansa ng lungsod.

Ipinabatid ni PNP ARMM Regional Director Chief Supt Reuben Theodore Sindac na dumating na sa kanilang tanggapan nuong isang araw sina PO1 Jose Julius Tandog at PO1 Chito Enriquez.

Kahapon ng umaga ay pinapunta na sina Tandog at Enriquez sa Marawi City para obserbahan ang clearing operations ng mga otoridad dito.

Sinabi naman ni PNP Chief Director General Ronald Bato dela Rosa na posibleng ipanlaban sa Maute group ang mga nasabing pulis.

By: Judith Larino / Jonathan Andal

Comments

comments