Pinarangalan ni PNP chief Director General Ronald Dela Rosa ang dalawang pulis-Maynila na nagpakita ng kabayanihan sa trabaho.
Tumanggap ng “Medalya ng Sugatang Magiting” si PO1 Jester Versoza habang “Medalya ng Kagalingan” ang iginawad kay PO2 Mel Bautista.
Si Bautista ang pulis-Maynila na kahit naka-off duty ay rumesponde sa isang krimen sa Moriones, Tondo.
Habang si Versoza, ang pulis na inundayan ng saksak sa Sampaloc, Maynila na nagawa pang habulin at mapatay ang sumaksak sa kanya.
Nagpasalamat naman ang dalawang pulis sa pagkilalang iginawad sa kanila at nangakong mas pagbubutihin pa ang kanilang trabaho.
