Ipinaaaresto na ng Caloocan City Regional Trial Court ang dalawang pulis na sangkot sa pagkamatay nina Carl Angelo Arnaiz at Reynaldo alyas ‘Kulot’ de Guzman.
Pirmado ni Judge Georgina Hidalgo ang ipinalabas na ‘warrant of arrest’ laban kina PO1 Jeffrey Perez at PO1 Ricky Arquilita.
Kapwa nahaharap ang dalawang pulis sa dalawang bilang ng kasong murder dahil sa pagpatay kina Arnaiz at De Guzman.
Maliban sa murder, nahaharap din sila sa kasong planting of evidence at paglabag sa anti-torture law.
Sa ngayon ay hawak na ng National Bureau of Investigation o NBI at Philippine National Police-Criminal Investigation and Detection Group o PNP-CIDG ang nasabing arrest order at naipadala na rin ito sa camp bagong diwa sa Taguig City kung saan naka-kustodiya sina Perez at Arquilita.
(Ulat ni Bert Mozo)
