Dalawang pulis ang napatunayang may pananagutan sa pagpatay sa mag-ama sa isang police station sa Pasay City noong nakaraang buwan.
Ito ang lumabas sa imbestigasyon ng CHR o Commission on Human Rights.
Sa ngayon ay inihahanda na ng CHR task force extrajudicial killings ang rekomendasyon para masampahan ng asunto sina police officer 2 Alipio Balo at police officer 1 Michael Tomas.
Sangkot ang 2 sa pagkamatay ng hinihinalang drug suspect na si JP Bertes at ama nitong si Renato Bertes.
Ni-relieve na sa pwesto sina Balo at Tomas upang bigyang-daan ang isinasagawang imbestigasyon ng Pasay City police.
By: Meann Tanbio
