Umamin na ang dalawa sa tatlong pulis-Caloocan na sila ang nasa CCTV na nakuhanang kumakaladkad kay Kian Delos Santos.
Taliwas ito sa unang statement ng Caloocan Police na isang informant ang kanilang hinihila sa isang eskinita at hindi si Kian.
Sinabi ni PNP-IAS o Philippine National Police Internal Affairs Service Inspector General Alfegar Triambulo, ito ang inamin ng dalawang pulis sa pagpapatuloy ng kanilang ginagawang imbestigasyon sa kaso.
Aniya, hindi pa kumpleto ang kanilang imbestigasyon dahil hindi pa nila nahahawakan ang report ng scene of the crime operatives kung saan nila ikukumpara ang report na may testimonya at iba pa nilang hawak na ebidensya.
By Rianne Briones
