Natupok ng apoy ang 20 bahay at isang pabrika ng banana chips sa Tabon 1, Kawit, Cavite.
Sumiklab ang sunog pasado alas 9:00 ng gabi.
Batay sa ulat nagsimula ang sunog sa isa sa mga bahay na mabilis na kumalat ang apoy sa katabing bahay na gawa sa mga light material bukod pa sa malakas na hangin.
Kasalukuyan pang iniimbestigahan ang dahilan ng sunog at kung ilang pamilya ang naapektuhan.
Wala namang napaulat na nasugatan sa insidente habang pansamantalang pinatutuloy sa barangay hall ang mga apektadong residente.
Tinatayang aabot sa kalahating milyong ari-arian ang natupok sa nasabing sunog.
