Nasa 20 na ang patay habang mahigit 200 katao ang nasugatan sa magnitude 5.9 na lindol sa Pakistan.
Pinakamatinding naapektuhan ang lalawigan ng Balochistan.
Ayon sa Provincial Disaster Management Authority, daan-daang kabahayan ang nawasak o bahagyang napinsala sa pagyanig partikular sa lungsod ng Harnai.
Ipinag-utos naman ni Pakistani Prime Minister Imran Khan sa militar ang pagsasagawa ng rescue operations sa mga apektadong lugar.
Gayunman, pahirapan ang operasyon dahil sa landslides bunsod ng malakas na pag-ulan.—sa panulat ni Drew Nacino
