Nakapili na si Pangulong Rodrigo Duterte ng papalit kay Terry Ridon bilang pinuno ng Presidential Commission on Urban Poor.
Kinumpirma ni Presidential Spokesman Harry Roque na nais ni Pangulong Duterte na maging pinuno ng PCUP ang 2009 CNN hero of the year awardee na si Efren Peñaflorida.
Ayon kay Roque, inatasan na ng punong ehekutibo si special assistant to the president Bong Go na hanapin si Peñaflorida.
Si “Kuya Ef” ang nagpasinaya ng “Kariton Klassroom” para sa mga mahirap na bata.
Magugunitang bukod kay Ridon, sinibak din ni Pangulong Duterte ang lahat ng commissioner ng PCUP dahil sa sangkaterbang biyahe sa loob at labas ng bansa.
