Maaari nang maiakyat sa Plenaryo ng Senado sa susunod na linggo ang subcommittee reports ng Senate Committee on Finance kaugnay sa 2018 national budget.
Ayon kay Senador Loren Legarda, chairperson ng nasabing komite, nakatitiyak silang makapapasa ang 2018 general appropriations sa lalong madaling panahon para malagdaan na ni Pangulong Rodrigo Duterte.
Ani Legarda, magsasagawa sila ng marathon session para matapos agad ang interpellation sa mga ahensya bago ang break sa Oktubre 12.
Target na maaprubahan sa huling pagbasa ang panukalang pambansang pondo para sa taong 2018 sa ikalawang linggo ng Nobyembre.
Nauna rito, nakarating na sa senado ang bersyon ng Kamara ukol 2018 national budget.
