Sisikapin ng Senado na maipasa ang panukalang 2021 National Budget sa takdang panahon o bago matapos ang taong ito upang makatugon sa kinahaharap na COVID-19 pandemic.
Ito ang tiniyak ni Senate Finance Committee Chairman Sen. Sonny Angara sa kabila ng kanilang paghimay sa nasabing panukala upang makasigurong didiretso sa taumbayan ang ilalaang pondo.
Ayon kay Angara, hindi hadlang ang online na paraan upang makapagsagawa ng pagdinig hinggil sa budget matapos na maisumite na ito sa kanila ni Budget Sec. Wendel Avisado.
Giit ni Angara, napatunayan nila sa mga isinagawang virtual hearings na mas naging mausisa pa ang mga senador hinggil sa budget kaya’t nakasisiguro siyang malinis ito ng maipapasa.
